كيف بعرف اذا عم يكذب عليي؟!…الكاتبة اللبنانية نايلة جنحو

كيف بعرف اذا عم يكذب عليي؟!

**حكمة البحث عن الحقيقة**!

  الانجيل بقلنا ان الغبي يصدق كل كلمة ، والذكي ينتبه الى خطواته..
نعم هيدي الحقيقة انو ما نصدق ولا كلمة تقال من اي حد مع العلم كمان بقلنا ان المحبة تصدق كل شيء .. ولكن انتبه ليس كل احد!!

كيف هيك ؟ وليش ؟؟ و شو الفرق بين كل كلمة و كل شيء؟؟

كل كلمة : كلنا منحكي كلام يعني كل أحد

كل شيء : يعني جميع الامور يلي بتصير معك بالحياة .. وهون منفهم شو يعني جميع الأمور تعمل معا للخير للذين يحبون الله..

كل شي بصير معنا لنتعلم منه، لنختبر.. لنتحرر.. لننجح.. لنتصر.. لنحب.. لنتنقى و…. او حتى لنكون سبب بركة للآخر ..

وهيك اذا اختبرت الحب، ( محبة الرب الخاصة الك انت ..) منتعلم كيف نحب ونقبل الآخر ونتحمل و نسامحو ونغفر ونتأنى ونترجى ونصبر و نصدق ان ممكن يتغير لان الظروف خلته يكذب..

ولانك مؤمن وعندك رجاء بعمل الله وخلاصه له، طبعا اذا سلّم حياته للرب، و.طبعا اكيد لان المحبة **ترجو** كل شيء و ليس كل احد .. هون لاني بحبك بصدق عمل الرب بحياتي وليس كل كلمة ..

البحث عن الحقيقة :

اولا اسمع بحساب

ثانيا اسأل مع التفاصيل

ثالثا انتظر الوقت لان ليس خفيا الا ليستعلن

خلينا نسمع و نسأل اكتر ومع الوقت الرب رح يكشفلك الحقيقة .. لانه فاحص القلوب والكلى..

كلام العالم مزيج بين الخيال و الواقع .. بصدق او ما بصدق شو بعمل؟ عقلي حابب يصدق و قلبي خايف وفي شعور قلق. .. صح معك حق تتلخبط..

كرمال هيك قال عن نفسه انه هو الطريق و الحق و الحياة .. روح لعندو وادخل الى خلوتك وصلي للرب لتاخد نعمة.. وهيك انت بالنور و بتنكشف كل كذبة امامك والرب بحط رحمة ومحبة بقلبك حتى ما تجرح ولاتنجرح اذا سمعت صوته و اطعت كلمته..

نعم الحقيقة ما فيا مبالغات.. ولا تأثيرات ولا حتى اغراض و كمان ما فيا غيبيات..

#افحص #كل #كلمة #و #كن #حكيماً..

الحكيم الذي يحب كل شيء وليس كل كلمة..